शनिबार, पुस २७, २०७०

Dated:

इतुंबाः निःशुल्क क्लिनिकया वार्षिक प्रतिवेदन

समाजसेवा मध्य स्वास्थ्य क्षेत्रय् यायेगु समाजया ज्याः उत्तम खः , ज्वज्वलपा……।

श्री केशचन्द्र महाविहार संरक्षण समाजपाखें न्ह्याकावया च्वनाच्वंगु इतुंबाः निःशुल्क क्निनिक च्यादँ फुना गुदँ क्यंगु लसताय् थौंया ज्याझ्वःया नायो एवं क्लिनिकया संयोजक भाजु उत्तम शाक्यजु, मू पाहाँ मू थाय्पा त्रिरत्न शाक्यजु थाय्पाजुपिं…….श्री केशचन्द्र महाविहार संरक्षण समाजया अध्यक्ष भाजु क्या. चन्द्रबहादुर शाक्यजु, चिकित्सकजुपिं,पत्रकार भाजु मय्जुपिं,व थन बिज्याना झायादिपी हनेबहपीं सकलसित इतुंबाःनिःशुल्क क्लिनिकपाखें हानं छकः ज्वज्वलपा ।

इतुंबाःनिःशुल्क क्लिनिक प्रबन्ध समितिं न्ह्यब्वयागु बार्षिक प्रतिबेदन

नेपाल सम्बत ११३४ पोहेंलाथ्व एकादशी तत् अनुसार २०७० साल पुस २७ गते शनिबार ।

थ्व इतुंबाःनिःशुल्क क्लिनिक ने.सं. ११२६ पोहेंलाथ्व अष्टमि,जनबहाःद्यः न्हवं खुन्हु उलेज्या जुगू खः । थुगु ल्याखं थौं या दिनसं च्यादँ फुना गुदँ क्यंगु जुल ।
क्लिनिक प्रबन्ध समिति संयोजक उत्तम शाक्य व दुजःलय् जि सुरेश शाक्य, प्रेमकाजी शाक्य, रुपकुमार शाक्य, पुष्परत्न शाक्य, उमेशमान शाक्य, केशवमान शाक्य, अमिर शाक्य,सुदर्शन शाक्य, प्रतापमान शाक्य, उष्णीष शाक्य,व बिजेन्द्र शाक्यपिं दुगु जुल ।

अथेहे सल्लाहकारय् क्या.चन्द्रबहादुर शाक्य, प्रज्ञारत्न शाक्य, सानुबाबु शाक्य, राजेन्द्र शाक्य व भगबान शाक्यपिं खः ।

क्लिनिकया चिकित्सकपिं डा. योगेन्द्रमान शाक्य, डा.तारामैंया शाक्य, डा.उर्मिला शाक्य, डा.तृप्ती शाक्य (एम.डी.अध्ययन), सहायक चिकित्सक आनन्दकाजी शाक्य, बि.एस्सी.नर्स मय्जु उत्तरा शाक्यजु व स्वयं सेविका मय्जु लक्ष्मी शाक्यजु पिन्स क्लिनिक निस्वनानिसें थौं तक मदिक्क स्वास्थ्य सेवा याना बिज्यागु जुलसा छु दँ न्हयोनिसें फिजियोथेरापिस्ट डा. प्रणवमान कर्माचार्यजु व बि.एस्सी.नर्स मय्जु मोनिका शाक्यजुपिन्स स्वास्थ्य सेवा बियादिगु खः । अथेहे डा.सुमिस्ती शाक्य, व डा.श्रृष्टि शाक्यपिं (एम.डी.अध्ययन) पाखें क्लिनिकयात थप स्वास्थ्य सेवा प्रदान याना बिज्यागु जुल । थौंकने एम.डि. अध्ययनया लागि विदेश बिज्यागु जुल ।

थुगु इतुंबाःनिःशुल्क क्लिनिक सनिवाः पतिकं. सुथसिया ९ः ताः इलंनिसें न्ह्याकेत प्रत्यक्ष अप्रत्यक्ष रुपं ग्वाहालि याना बिःज्यानापिंदिपीं सकलसित क्लिनिकपाखें यक्व यक्व सुभाय्या नापं ताः आयुया कामना याना । अथेहे लिपा लिपानं अझ क्वातुक्क व मदिक्क ग्वाहालि दयाच्वनी धैगु भलसा कयाच्वना ।

वंगु दँय् क्लिनिकपाखें न्ह्याकागु थी थी ज्याझ्वः

१. लुम्हहे जुईमा थगुने पत्रकार भाजु सुगतरत्न सिन्दुराकार, बि.एस्सी नर्स मय्जु मोनिका शाक्यजु फिजियोथेरापिष्ट डा. प्रणवमान कर्माचार्यजु पिन्त हनागु जुल । क्लिनिकया वार्षिक ज्याझ्वः क्वाःपाःद्यः थाय् बुद्ध पुजा यासें न्ह्याकागु व क्लिनिक निःस्वनानिसें अनवरत स्वास्थ्य सेवा बिया बिज्यापिन्त हनागु जुल ।
२. स्वदँन्ह्यो निसें स्त्री गर्भासयया श्राव (एबउ क्mभबच तभकत) परीक्षण शिविर नेशनल क्यान्सर हस्पिटल प्रा.लि. जावलाखेलया ग्वाहालिं न्ह्याका वया च्वनागु जुल । इतुंबाः निःशुल्क क्लिनिकया ग्वसालय् वंगु ०७० जेष्ठ १८ गते शनिबार कुन्हु न्ह्याकागु थुगु शिविरय नेशनल क्यान्सर हस्पिटल प्रा.लिया विशिष्ट चिकित्सक पिनिगु नेतृत्व याना बिज्यागु उगु शिविरसं १२९ म्हः बिरामिपाखें स्वास्थ्य लाभ कया दिगु जुल । उगु शिविर तालाका दिगु हस्पिटल नापं चिकित्सक पुचःयात सुभाय् पौं बियागु जुल ।

थौं तक ३२४५ म्हः बिरामिं स्वास्थ्य जाँच याकेधुकुगु जुल ।

३. वंगु दँ गुंलाज्वछिं विहारसं बिज्यापिन्त लः त्वःनेगुया नितिं लः जारया व्यवस्था यानागु, दथुसाया दिं श्री कुमारीमाजुयात खादा क्वखायेका लसकुस यानागु लिसें बहिद्यः स्वःबिज्यापि झायादिपीं सकलसित लः व जुसया व्यवस्था नापं निःशुल्क स्वास्थ्य उपचार लिसें निःशुल्क वासःइनेगु व्यवस्था यानागु जुल ।
२०७० साल फागुण २६ गते बाःहा पुजाया दिनसं प्राथमिक स्वास्थ्य सेवा यानागु जुल ।

इतुंबाः निःशुल्क क्लिनिकया वगुं दँया ल्याःचाः न्हयब्यया च्वना नापं व ल्याःचाः सुचं बोर्डसं तिका तयागु जुल ।

— इतुंबाःनिःशुल्क क्लिनिक, २०७०।०९।२७ शनिवा

Click Here to View the Photos of the Event